Ástand

Mér verður stundum hugsað til feðganna sem voru á grasbalanum með nokkra girðingastaura og gaddavír, þokusúld, kalt í lofti, ég nærri að veiðum í flóanum, engin orðaskipti en samt gekk allt svo vel; þetta að þurfa ekki að ræða alla hluti er spennandi aðferð til fullkomnunar samskipta manna á milli, svipað og eiga dýr sem þarf einungis stöku sinnum að ræða við, aðallega gæla við.

Samtöl eru þó einn af kostum tilverunnar þegar vel er að verki staðið.